Хувийн хэргийн бүрдүүлэлт, хөтлөлт

МОНГОЛ УЛСЫН ТӨРИЙН АЛБА

Төрийн албан хаагчийн хувийн хэрэг нь төрийн албан хаагчийн овог, эцэг /эх/-ийн нэр, нэр, түүний эрхэлсэн албан тушаал, ажлын үр дүнтэй холбогдсон мэдээллийг агуулна.
Төрийн албан хаагчид хувийн хэргийг төрийн албаны хүний нөөцийн цахим систем дээр мэдээлэл нягтлах, шинэчлэх хүсэлт гаргах хэлбэрээр хөтөлнө.
Хувийн хэрэгт бүрдүүлсэн мэдээлэл нь төрийн албан хаагчийг албан тушаалд томилох, шатлан дэвшүүлэх, шагнаж урамшуулах, хариуцлага хүлээлгэх зэрэг асуудлаар эрх бүхий этгээд шийдвэр гаргахад тулгуурлах үндэслэл, эх сурвалж болно.
Албан хаагч нь хүний нөөцийн асуудал хариуцсан ажилтны зөвшөөрлийг үндэслэн өөрийн хувийн хэрэгтэй танилцаж болно.
Хувийн хэрэг нь дараах үндсэн баримт бичгээс бүрдэнэ:
☑ Албан тушаалын тодорхойлолт;
☑ Төрийн албан хаагчийн анкет /Анкетын асуулт бүрийг бүрэн хариулж бичнэ. Байгууллага, албан тушаалын нэрийг товчлохгүй, дэлгэрэнгүйгээр нь бичих бөгөөд анкетын эцэст түүнд орсон мэдээлэл үнэн зөв болохыг баталж, гарын үсгээ зурж, огноог бичсэн байна/;
☑ Хувь хүний намтар;
☑ Бүтээлийн жагсаалт;
☑ Ажил байдлын тодорхойлолт;
☑ Төрийн жинхэнэ албанд орсон тухай нотлох баримт бичиг /Төрийн албаны шалгалтад орж тэнцсэнг нотлох баримт бичиг, “Төрийн албан хаагчийн тангараг”-ийн хуудас;
☑ Эзэмшсэн боловсрол, мэргэжлийн диплом, мэргэшүүлэх багц сургалтын гэрчилгээний хуулбар;
☑ Хууль тогтоомжоор зөвшөөрсөн бусад материал
• Иргэний үнэмлэхийн хуулбар;
• Нийгмийн даатгалын лавлагааны хуулбар;
• Цэргийн үүрэгтний үнэмлэхийн хуулбар (1990.06.03-ны өдрөөс хойш төрсөн эрэгтэй);
• Магадлан итгэмжлэгдсэн эмнэлгийн үзлэгээр орсон эрүүл мэндийн хуудас;
• Хуульд заасан журмын дагуу гаргасан хувийн ашиг сонирхлын урьдчилсан мэдүүлэг (ХАСУМ)-ийн талаарх Авлигатай тэмцэх газрын дүгнэлт;
• Тооцооны (тойрох) хуудас;
• Төрийн албанд орох, шилжих, дэвших, суралцах, нийгмийн баталгааг хангуулах, албанаас чөлөөлөгдөх болон халагдсан зэрэг асуудлаар төрийн албан хаагчаас гаргасан санал, өргөдөл, хүсэлт, тайлбар;
• Цээж зураг (4х6 см) /Төрийн албан хаагчийн анкетад нааснаас гадна 4Х6 хэмжээтэй 2 хувь цээж зургийг хувийн хэрэгт хадгална.
• Төрийн албан хаагчийн ажлын гүйцэтгэл, үр дүн, мэргэшлийн түвшинг илтгэх хуудас