Хүний нөөцийн сургалт, хөгжил

МОНГОЛ УЛСЫН ТӨРИЙН АЛБА

Төрийн албан хаагчийн тасралтгүй сурч хөгжих нөхцлийг төр хариуцан хэрэгжүүлнэ. Төр ажлын байрны, дотоодын болон гадаадын сургалтуудад албан хаагчдыг сургах, шаардлагатай зардлыг хариуцна.

• Албан тушаалын ажлын байрны сургалт: Иргэнийг төрийн албан тушаалд томилсны дараа богино болон дунд хугацааны сургалтад хамруулна.

• Мэргэшүүлэх багц сургалт: Төрийн албан хаагч шатлан дэвших зарчмын дагуу албан тушаал дэвшихдээ мэргэшүүлэх багц сургалтад сурч төгссөн байна.

Сургалт, хөгжил

• Төрийн албан хаагч жил бүрийн гүйцэтгэлийн төлөвлөгөөнд мэдлэг боловсролоо дээшүүлүүлэх зорилтын хүрээнд сургалтад хамрагдах, суралцах зорилтыг дэвшүүлэн, хэрэгжилтийг хангана.

• Төрийн албан хаагч төрийн хөрөнгөөр 6 хүртэлх сарын хугацаагаар давтан сурах, мэргэшлээ дээшлүүлэх сургалтад хамрагдах боломжтой.

Гадаад сургалт: Төрийн албан хаагч Япон Улс, Бүгд Найрамдах Солонгос Улс, Австрали Улсын Засгийн газруудын буцалтгүй тусламж болон санхүүжилтээр тэтгэлэгт хөтөлбөрт хамрагдан суралцах боломжтой.

	Койкагийн тэтгэлэг	Жайкагийн тэтгэлэг	Австралийн тэтгэлэгт хөтөлбөр
Хөтөлбөрийн тухай	Бүгд Найрамдах Солонгос Улсын Засгийн газрын буцалтгүй тусламжийн хүрээнд хэрэгждэг КОЙКА-гийн тэтгэлэгт хөтөлбөр нь дэлхийн хөгжиж буй 90 улс орны төрийн албанд ажиллаж буй залуу шилдэг албан хаагчдыг сонгон шалгаруулж, БНСУ- ын нэр хүндтэй их, дээд сургуулиудад магистр болон докторын зэрэг олгоход чиглэсэн тэтгэлэгт хөтөлбөр юм.	Япон Улсын Засгийн газрын буцалтгүй тусламжийн хүрээнд дэлхийн хөгжиж буй улс орны залуу төрийн албан хаагчдыг чадавхжуулахад чиглэдэг. Тус хөтөлбөрөөр магистр, докторын боловсролын зэргийг олгох ба хичээлүүд англи хэл дээр явагддаг.	Австрали Улсын Засгийн газрын санхүүжилтээр хэрэгждэг энэхүү тэтгэлэгт хөтөлбөр нь Австрали Улстай хамтын ажиллагаатай хөгжиж буй улс орнуудын залуу хүний нөөцийг чадавхжуулахад чиглэдэг. Хөтөлбөрийн хүрээнд магистр, докторын боловсролын зэрэг олгодог.
Эхлэх хугацаа	Жил бүрийн 1 болон 2 сард тэтгэлэгт хөтөлбөрийн зар гарч, нэр дэвшигчдийн материалыг хүлээн авдаг.	Жил бүрийн 11 сард тэтгэлэгт хөтөлбөрийн зар гарч, нэр дэвшигчдийн материалыг хүлээн авдаг.	Жил бүрийн 02 сард тэтгэлэгт хөтөлбөрийн зар гарч, нэр дэвшигчдийн материалыг хүлээн авдаг.
Тэтгэлэгийн хэмжээ	100% буюу сургалтын төлбөр, ирж очих онгоцны тийз, дотуур байрны зардлыг цаад тал нь хариуцна.	100% буюу сургалтын төлбөр, ирж очих онгоцны тийз, дотуур байрны зардлыг цаад тал нь хариуцна.	100% буюу сургалтын төлбөр, ирж очих онгоцны тийз, дотуур байрны зардлыг цаад тал нь хариуцна.
Стипенд	Сар тутам стипенд олгоно.	Сар тутам стипенд олгоно.	Сар тутам стипенд олгоно.
Тавигдах үндсэн шаардлага	Бакалаврын боловсролын зэрэгтэй, англи хэлний өндөр мэдлэгтэй байх	Бакалаврын боловсролын зэрэгтэй, англи хэлний өндөр мэдлэгтэй байх	Бакалаврын боловсролын зэрэгтэй, англи хэлний өндөр мэдлэгтэй байх буюу IELTS-ийн хамгийн багадаа (6.0), эсхүл IBT TOEFL-ийн хамгийн багадаа (84) оноотой байх
Дэлгэрэнгүй мэдээлэл авах хаяг	Дэлгэрэнгүйг: https://www. koicascholarship. com/koicascholarship- detailsand- applicationprocess/ Фэйсбүүк хаяг: KOICA Mongolia office	Дэлгэрэнгүйг: https://jds-scholarship.org/aboutjds/index.html Фэйсбүүк хаяг: JDS Mongolia	Дэлгэрэнгүйг: https://www.dfat.gov.au/people-topeople/australiaawards Фэйсбүүк хаяг: Australia Awards Mongolia - Scholarships Program - AAM