МОНГОЛ УЛСЫН ТӨРИЙН АЛБА
• Албан томилолтын зардлыг;
• Албан ажлын хэрэгцээнд хувийн унаа хэрэглэсэн тохиолдолд батлагдсан нормативын дагуу гарсан зардлыг;
• Гадаад улсад болон нэг аймаг, хотоос нөгөө аймаг, хотод, түүнчлэн аймаг, хотын дотор ажиллахаар томилогдсон албан хаагчид тээврийн хэрэгсэл, ачаа тээш, зам хоногийн зардал, түүний гэр бүлийн болон асрамжид нь байдаг хүмүүст тээврийн хэрэгсэл, ачаа тээшийн зардлыг;
• Төрийн албан хаагч албан үүргээ гүйцэтгэж байхад бие махбодид нь гэмтэл учруулсан буюу эрүүл мэндийг нь бусад хэлбэрээр хохироосноос хөдөлмөрийн чадвараа түр алдсан, хөгжлийн бэрхшээлтэй болсон бол түүний авч байсан цалин, тэтгэвэр, тэтгэмжийн зөрүүг хөдөлмөрийн чадвараа түр алдсан буюу хөдөлмөрийн чадвар алдсаны тэтгэвэр авч байсан нийт хугацаанд нөхөн олгож, хохирлыг гэм буруутай этгээдээр нөхөн төлүүлэх;
• Төрийн албан хаагч албан үүргээ гүйцэтгэж байхад бие махбодид нь гэмтэл учруулсан буюу эрүүл мэндийг нь бусад хэлбэрээр хохироосноос хөгжлийн бэрхшээлтэй болж, хиймэл эрхтэн хийлгэх, сонсголын аппарат авах, нөхөн сэргээх бусад эмчилгээ хийлгэх бол зардлын тодорхой хэсгийг Нийгмийн даатгалын сангаас олгох үйлдвэрлэлийн осол, мэргэжлээс шалтгаалах өвчний тэтгэвэр, тэтгэмж, төлбөрийн тухай хуулийн 17 дугаар зүйлийн 1 дэх хэсэгт заасны дагуу санхүүжүүлэх, зөрүүг улсын төсвөөс нөхөн олгож, хохирлыг гэм буруутай этгээдээр нөхөн төлүүлэх;
• Ээлжийн амралтаараа өөрийн, эсхүл эхнэр /нөхөр/-ийн төрсөн нутаг явах бол ирэх, очих замын зардлыг, эсхүл магадлан итгэмжлэл бүхий эмнэлгийн байгууллагын шийдвэрээр дотоодын сувилалд сувилуулах бол ирэх, очих замын зардлыг тухайн үед мөрдөж байгаа автомашин, төмөр замын үнэлгээгээр тооцож хоёр жилд нэг удаа олгох;
• Эрүүл мэндийн даатгалын тухай хуульд заасан тухайн жилийн эмчилгээний төлбөрийн хэмжээнээс давсан хэсэг болон магадлан итгэмжлэл бүхий эмнэлгийн байгууллагын шийдвэрээр гадаад оронд эмчлүүлэх зайлшгүй шаардлага гарсан тохиолдолд зардлынх нь 60-аас доошгүй хувийг төр хариуцах;
• Хууль тогтоомжид заасан бусад нөхөх төлбөр.
Хүснэгт 11. Засгийн Газрын 2019 оны 6 дугаар тогтоолоор батлагдсан Төрийн албан хаагчид нөхөн төлбөр олгох журмын хураангуй
Албан томилолтоор ажиллах үеийн нөхөх төлбөр: Хугацаа хамаарахгүй
Албан хэрэгцээнд хувийн автомашин хэрэглэсний нөхөх төлбөр: Хугацаа хамаарахгүй
Гадаад улс болон өөр орон нутагт ажиллахаар томилогдсон төрийн албан хаагчид олгох нөхөх төлбөр: Хугацаа хамаарахгүй
Эрүүл мэндэд учирсан хохирлыг нөхөх төлбөр: Хугацаа хамаарахгүй
Замын зардлыг нөхөх төлбөр: Хугацаа хамаарахгүй
Эмчилгээний зардлыг нөхөх төлбөр: Хугацаа хамаарахгүй
• Төрийн албан хаагчийг зохих журмын дагуу албаны унаагаар хангана.
• Нийтийн тээврийн унааны 50 хувийг байгууллагаас нь нөхөн олгоно.
• Өвлийн улирлын түлшний зардлын зохих хэсгийг нөхөн олгож болно.
• Өдрийн хоолны зардлын тодорхой хэсгийг байгууллагаас нөхөн олгоно.
• Төрийн жинхэнэ албан хаагч чөлөөлөгдөхөд албан тушаалын 3 сарын цалинтай тэнцэх хэмжээний нөхөх төлбөрийг олгож болно. /ТАХууль 46.1/
• Төрийн албан хаагчийг эрхэлсэн ажил, эзэмшсэн мэргэжлийн дагуу 180 хүртэл хоногийн хугацаагаар эрх бүхий байгууллагын шийдвэрийн дагуу суралцахад түүний эрхэлж байгаа албан тушаалын цалинг олгоно.
• Төрийн хамаарал бүхий хөрөнгөөр сургалтад хамрагдсан төрийн албан хаагч 2.5 жилээс доошгүй хугацаагаар төрийн алба хаах үүрэг хүлээнэ.
Төрийн албан хаагчид дараах нөхөх төлбөрийг олгоно:
Төрийн албан хаагчид нөхөх төлбөр олгох журам, түүний хэмжээг Засгийн газар тогтооно.
Унааны зардал;
Байрны зардал;
Хоолны зардал.
Тухайн чиглэлд үйлчлэх нисэх онгоц, галт тэрэг, автомашин, автобусны үнийн тарифаар, байр, хоолны баталсан тарифыг баримтлан тус тус тооцно.
Төрийн албан хаагч өөрөө хүсвэл албан ажлын хэрэгцээнд хувийн автомашин хэрэглэж болно.
Албан ажлын хэрэгцээнд хувийн автомашин хэрэглэсэн тохиолдолд шаардагдах шатахуун, эсхүл уг шатахууны үнийг эрх бүхий байгууллагаас баталсан тарифын дагуу тооцно.
Тээшний зардлыг нэг хүнд 80 хүртэл килограмм ачаагаар тооцно.
Хоол, унаа, ачаа тээшний зардал, түүний гэр бүлийн гишүүдэд унаа, ачаа тээшний зардлыг хүлээн авч байгаа байгууллага олгоно. зардлыг томилогдсон газарт шаардлагатай ачааг тээвэрлэх тарифаар тус тус бодож олгоно.
Цалин, тэтгэвэр, тэтгэмжийн зөрүүг хөдөлмөрийн нийт хугацаанд нөхөн олгоно.
Төрийн албан хаагч албан үүргээ гүйцэтгэх явцад бие махбодид нь гэмтэл учруулсан буюу эрүүл мэндийг нь бусад хэлбэрээр хохироосон цалин, тэтгэвэр, тэтгэмжийн зөрүүг нийт хугацаанд нөхөн олгоно. нийгмийн даатгалын шимтгэл төлөөгүй ба протез, ортопедийн эдэлгээний хугацаа дууссан бол 2 дахь удаад протез, ортопедийн үнийн 50 хувийг нийгмийн даатгалын байгууллагаас, үлдэх 50 хувийг улсын төсвөөс тус тус нөхөн төлнө.
Хоёр жилд нэг удаа олгоно.
Ээлжийн амралтаараа өөрийн, эсхүл эхнэр (нөхөр)-ийн төрсөн нутагт явах бол ирэх, очих замын зардлыг, сувилалд сувилуулах бол ирэх, очих замын зардлыг тухайн үед мөрдөн автомашин, төмөр замын үнэлгээгээр тооцно.
60-аас доошгүй хувийг төр хариуцна.
Гадаад улсад эмчлүүлсэн эмчилгээний материалыг Эрүүл мэндийн сайдын дэргэдэх иргэдэд санхүүгийн дэмжлэг үзүүлэхэд санал гаргах орон тооны бус зөвлөл хэлэлцэн, шийдвэрийг харьяалагдах төсвийн захирагчид албан бичгээр хүргүүлнэ.
